على العشاء في المنزل البسيط
حسين.. اقولك على حاجة بس متاخديش كلامي تريقة
ايمان.. اشجيني ياقلب اختك
حسين.. ف بنت شوفت….
ايمان.. لولولولولولولولوي قولتلي بنت
حسين.. فزعتيني انتي هبلة يابت
ايمان.. انبي انت اللي فزعت قلبي من الفرحة لما قولت بنت
حسين.. طيب مش تسمعي للاخر يابطيخة انتي
ايمان وعقدت حاجبيها مثل الاطفال.. حسين
حسين.. نعم
ايمان.. انا نفسي في بطيخة اوووي
حسين وضع كف يديه على وجهه.. انا مش هكمل وكمان شبعت اصلا
ايمان ومسكت يده.. خلاص ياعم متقفش بهزر معاك احكي بقا
حسين.. كنت بتكلم في الفون وجات واحدة حطت ايديها على كتفي ولما لفيت ليها اتخضت واتأسفت قالتلي فكرتك اخويا ومشيت
ايمان غير مستفهمه.. وبعدين
حسين.. مكنتش محجة، لو كانت محجبة كانت هتكون احلي مع خجلها ده
ايمان.. اكيد انت هتحتاج اني اقولك غض بصرك وقبل ما تغض بصرك لازم تغض عقلك عن التفكير في اي حاجة تغضب ربنا وتغض
قلبك عشان مش يميل للحرام
حسين.. فاهم بس مش عارف ازاي فكرت كدا استغفر الله العظيم
ايمان.. ربنا يهديها ويهدي بنات وشباب المسلمين جميعا
حسين.. يارب آمين
ملحوظة.. والدة ايمان وحسين متوفية من زمان ووالدهم سابهم واتجوز واحدة تانية وميعرفوش عنه حاجة ايمان بتعتبر حسين
هو عالمها وسندها في الدنيا بعد ربنا
اكرم… ايه اخبار الشغل
فاطمة.. الحمدلله تمام اهاا وف بنوته امورة اوي اسمها ايمان عارفة حضرتك شغالة معايا ف المكتب
اكرم.. ايوا ايمان دي بنت محترمة جدا وهتتعلمي منها حاجات كتير وهتفيدك
فاطمة بقلق واضح.. ماما مالك حاطة ايدك ع دماغك ليه
سمية.. كملي عشاكي مافيش حاجة شوية صداع
اكرم.. انتي حللتي سكر يا سمية زي ماقولتلك
سمية.. اااه حللته وكمان النتيجة كويسة
اكرم.. بكرة نروح نكشف ونطمن
سمية.. انتوا مكبرين الموضوع ليه كدا هما شوية صداع وهنام واصحي هبقي كويسة
اكرم.. طول عمرك عنيدة
فاطمة.. مفيهاش حاجة يعني يا ماما لما نطمن
سمية.. هقوم اعملكوا حاجة تشربوها
دخلت فاطمة غرفتها وشردت في احداث يومها وكيف كان يتعامل معها علي وهو يكرها وطريقته في التعامل هكذا.. وغطت في نوم عميق….
