رومانسياتطهي الفراخ

طريقة عمل صنية بطاطس بالفراخ

طريقة عمل صنية بطاطس بالفراخ على طريقي بطعم ولا أوروع من كدا وسهلة وسريعة يعني لو أنتي كنتي سيدة عاملة ومعندكيش وقت كثير تقعدي تخترعي كثير أو تعملي حاجات كتيرة الوصفة دي ليكي أو حتي ممكن عادي تكوني مش بتشتغلي وعادي ممكن برضه تكوني مش بتحبي تخترعي كثير في الأكل وعايزه حاجة تكون سريعة وبسيطة ويلي على الوصفة. 

المكونات

  • بطاطس
  • فراخ على حسب الكمية اللي هتعمليها أو على حسب عدد الأفراد
  • بصل
  • ثوم
  • طماطم
  • جزر
  • كزبرة خضراء
  • ملح وفلفل أسود
  • بهرات فراخ
  • ثوم وبصل بودر
  • زعتر وقرفة
  • جنزبيل وكركم
  • ورق لورا

طريقة التحضير

أول حاجة هنغسل الفراخ كويس بالخل والملح علشان نشيل الظفارة وبعدين نجيب الكبة ونحط فيها 1 جزرة متقشرة ونقطعها في الكبة ونحط كمان بصلة صغيرة وفص ثوم وشوية كزبرة خضراء وملح حسب الرغبة وفلفل أسود مع ورقتين لورا ومعلقتين كبار خل أبيض ونضربهم في الكبة وبعد كدا نتبل بيهم الفراخ وبعدين هجيب الصنية على نار عالية وهحط فيها معلقة زبدة وهشوح فيها الفراخ المتبلة لحد ما لونها يتغير وبعدين هحط بهرات الفراخ وملح بس اعملي حساب انك حاطة مرة في التاتبيلة وفلفل أسود وزعتر وقرفة وجنزبيل وثوم والبصل البودر والكركم ونقلبهم مع الفراخ وأنتي تكوني مقطعة البطاطس دوائر وتحطيهم على الفراخ وكمان تكوني مقطعة بصلة كمان دوائر وتحطيها بردة مع البطاطس والفراخ وكمان تكوني ضربة طماطم مع فصين ثوم في الخلاط وتروحي حطة الطماطم عليهم يغلو غلوة واحدة علي النار وبعد كدا تولعي الفرن وتحطيها في الفرن تكمل سوا وتكوني مغطياها بورق الألمونيوم وبعد ساعة تشيلي ورق الألمونيوم وتسبيها تتحمر وبس كدا وبالهناء والشفاء.

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق