طريقة عمل الكبسة بالفراخ أنا جربت كبسات بطرق كتيرة مختلفة ودي أكثر طريقة عجبتني فيهم لأنها سهلة وبسيطة وطعمها حلو أوي والكبسة من أكثر الأكلات المفضلة عند معظم الناس بسبب طعمها الجميل والمميز لكن هنا في سأل مهم مين هما أول ناس عملو الكبسة وفكرتها جت منين؟ ياريت اللي يعرف يجاوب في التعليقات ويلي على الوصفة.
مكونات طريقة عمل الكبسة بالفراخ
- فراخ
- رز بسمتي أو بني
- طماطم
- كزيرة خضراء
- حبهان ورق لورا
- قرنفل وليمون محفف أو لومي
- كركم وبهرات فراخ
- وبهرات كبسة
- وعيدان القرفة ومرقة دجاج
- بابريكا
- بصل وثوم
- زبدة
- ملح وفلفل أسود وكمون
- جنزبيل
طريقة التحضير
أول حاجة هتقطعي البصلة مكعبات صغيرة أو شرائح على حسب ما تحبي وبعدين هنحطها في الحلة مع زبدة ونقلبها شوية على النار لحد لما تذبل، بعدين هاحط البهارات الحصى زي ورق اللورا والقرنفل والحبهان والليمون المجفف أو اللومي وعيدان القرفة وهحمصهم شوية مع البصلة وبعدين هاحط ثوم مفروم مع جنزبيل واقلبهم بردة شوية وبعدين احط طماطماية متقطعة مكعبات صغية وبعدين هاحط باقي البهارات اللي هي كركم وبابريكا وبهارات فراخ وبهارات الكبسة و ثوم وبصل بودر وملح وفلفل أسود وكمون ومرقة الدجاج وبعدين هاحط الكزبرة برده متقطعة وهاقلبها وبعد كده هاحط الفراخ تغير لونها وبعدين هازود عليها الماء
اسيبها لحد لما تستوي خالص وبعد ساعة هاشوف الفراخ استوت ولا لا ولو أستوت هاطلعها واحط عليها زبدة من فوق وهاحطها في الفرن تتحمر وبعدين بقى هاجيب الرز أي كانت الكمية بتكون على حسب عدد الأفراد اللي عندك، وهتحطي في الشوربة بتاعت الفراخ اللي أحنا عملناها هاسيبة على نار عالية لحد لما يتشرب الماء اللي فيه وبعد كده هاروح موطية النار عليه خالص لحد لما يستوي وبكده نكون خلصتي نجيب بقى الطبق التقديم وحطي عليه الأرز وبعدين حطهي عليه الفراخ وبالهناء والشفاء عملتي أحلى كبسة.
