الفصوليا الخضراء بالفراخ الوصفة جديدة أهم حاجة ياجماعة من الوصفة أن تأكدي من مصادر الأكل يعني تجبيها من مكان يكون نظيف مش بيرشوا الأكل وطلة كيماويات ضارة الموضوع دا فعلا بيفرق في الصحة بشكل كبير ودي نقطة ياريت على قد مانقدر نخلي بلنا منها، وأما بالنسبة للسعرات الحرارية 260 سعرة حرارية والدهون المشبعة 1 جم والكربوهيدرات 17 جم والبروتين 37 جم دا علشان لو حد ماشي علي نظام الكيتو ويلي بينا على الطريقة.
مكونات طريقة عمل الفصوليا الخضراء بالفراخ:
- فراخ مفرومة
- ثوم
- بصل
- فلفل رومي أصفر
- فصوليا خضراء
- طماطم
- السبع بهرات
- ملح وفلفل أسود
- بهرات فراخ
طريقة التحضير:
أول حاجة هتجيبي فراخ وهتفرميها سواء أنتي هتفرميها عندك في البيت أو هتديها لحد يفرمهالك ولكن أنا مش مع أنك تجبيها جهزة مفرومة جهزة يعني بعدين هتجبي طاسة وهتحطيها على النار مع معلقة زيت زيتون كبيرة وبعدين هتحطي الفراخ المفرومة وهتقلبيها لحد لما تغير لونها ولما تغير لونها
هتحطي فص ثوم مفروم ناعم وهتحطي بصلة متقطعة مكعبات صغيرة وفلفل الرومي الأصفر وملح وفلفل أسود والسبع بهرات وبهرات الفرا خ وبعدين هتكوني ضربة طماطم في الخلاط والطماطم متكنش كثير وتحطيها على الفراخ وتجبي الفصوليا الخضراء تغسليها وتقطعي الحتة اللي فوق واللي تحت وترميهم وبعدين تقصميها نص وتحطيها علي الفراخ وتغطيها وتسبيها لحد لما تستوي وبعد لما تستوي هتجيبي طبق التقديم وهتحطيها فيه وبس كده وبالهناء والشفاء.
