طريقة عمل القرنبيط بالفراخ مع الصويا صوص عارفة معظم الناس مش بتحب القرنبيط وأنا واحدة منهم ولكن أنا مش بحبة على الطريقة التقليدية ولكن الطريقة دي جديدة وصحية أكثر وغير كده بسيطة وسهلة ومكونات بسيطة جدا هما أربع مكونات بس مع البهرات طبعا يعني ما فيش أسهل ولا أبسط من كده ومافيهاش طرق ولا لغبطة ولا أفتكاسات كتير والسعرات الحرارية قليلة جدا 260 سعرة حرارية بس والدهون المشبعة 1.5 جم والكربوهيدرات 6 جم والبروتين 43 جم ويلي بينا على الطريقة.
مكونات طريقة عمل القرنبيط بالفراخ:
- قرنبيط
- كزبرة خضراء
- فراخ مفرومة
- ليمون
- ملح وفلفل أسود
- بهرات فراخ
- صويا صوص
طريقة التحضير:
أول حاجة هتجبي القرنبيط وهتغسلية كويس وتقطعية كل وردة صغيرة كده لوحدها وبعدين هتحطي طاسة عل النار وتحطي فيها معلقة زيت زيتون أو أي زيت يكون صحي أنتي بتفضلية وهتحطي القرنبيط تقلبية كده لمدة دقيقة بعدين هتحطي معلقة كبيرة عصير ليمون وتحطي ملح وفلفل أسود وكمان ربع كوباية ماء وتغطيها وتسبيها لحد لما تستوي
وبعد ما يستوي هتجبي طبق وتحطي فيه القرنبيط وبعدين تراجعي الطاسة ثاني على النار وبعدين تحطي بقا الفراخ المفرومة وتقلبيها لحد لما لونها يتغير وبعدين تحطي عليها ملح وفلفل أسود وبهرات فراخ وتكوني مقدة 5 عيدان كزبرة خضراء قطع صغيرة وتحطيهم على الفراخ بتسبيها عشر دقائق وبعدين تحطي عايها القرنبيط ومع كمان معلقة كبيرة صويا صوص وتقلبيهم كلهم مع بعض وتسبيهم لمدة دقيقة وبعدين هتجبي طبق التقديم وتحطي فيه الاكلة وبس كده وبالهناء والشفاء.
