طريقة عمل فصوليا خضراء باللحمة المفرومة الطريقة جديدة وغير المتعارف عليها كالعادة وغير تقليدية وأهم حاجة طبعا أنها صحية وهو دا اللي أحنا بنحرص عليه هنا وفي نفس الوقت سهلة وأي حد يقدر يعملها بكل سهولة حتي ولو مكنتيش بتعرفي تعملي أكل خاص وأما بالنسبة للسعرات الحرارية قليلة كالعادة وهي 360 سعرة حرارية والدهون المشبعة 4 جم والكربوهيدرات 30 جم والبروتين 35 جم وبس يلي بينا على الطريقة.
مكونات طريقة عمل فصوليا خضراء باللحمة:
- فصوليا خضراء
- فص ثوم
- بصل
- فلفل رومي أحمر
- لحمة مفرومة
- صويا صوص
- ملح وفلفل أسود
- بهرات لحمة
- جوزة الطيب
طريقة التحضير:
أول حاجة هتجيبي الفاصوليا الخضراء هتغسليها كويس وهتقطعيها من الأول ومن الأخر بس وهتسيبيها طويلة زي ما هي وبعدين هتجيبي طاسة هتروح حطاها على النار وهتحطي فيها الفاصوليا الخضراء مع شوية ماء وتسيبيها لغاية تستوي وتغطيها، ولما تستوي هتشليها وتحطي الطاسة ثاني على النار وتروحي جايبه رشة زيت زيتون وسيبي الطاسة لغاية لما تسخن وبعدين هتجيبي بصلة تكوني مقطعها شرائح وتحطيها وتحطي فلفل رومي أحمر برده تكوني مقطعاه شرائح وتحطي
وبعدين هتجيبي باللحمة المفرومة وتحطيها عليهم وتقلبيها لغاية لما تغير لونها بعدين هتحط البهارات الأ وهي ملح وفلفل أسود وبهارات اللحمة ورشة جوزة الطيب وهتغطيها وتسيبيها لغاية لما اللحمة تطيب؛ بعد ما اللحمة تطيب هتروحي جايبة معلقة صويا صوص حطاها عليه وتجيبي الفاصوليا الخضراء وتروحي حطاها عليهم وتقلبي كده لمدة دقيقتين وبس هتجيبي بقى طبق التقديم وهتروح حطها فيه وعايز تأكليها مع رز أو مع شربة أنتي عملها تأكليها هي كدا بس اللي أنتي حبه وعلي حسب زوقك وأنتي بتكلي أيه أكل صحي ولا ماشية على نظام الكيتو تمام وبس كده وبالهناء والشفاء.
مقالات ذات صلة:
