طريقة عمل ستيك الفراخ مع صوص الخضار، وأتكلمنا عن الفيتامينات وأهميتها للجسم وأن الجسم عند القدره انه يحول أي أكل أنت بتدخلة لأي فيتامينات لأن هو عايش وبيفهم الفيتامينات بس وغير كده هيموت وتكلمنا عن فيتامين د وأهميتة ومصدرة الاساسي الشمس طيب لو حد مش عايزة يطلع في الشمس خايف على بشرتة ما بيحبش الشمس عنده حساسية منها أي حاجة يعني هتجيب المشروم وهيحطة في الشمس وهتسيبة هو هيمتص الشمس
وسبحان الله المشرم عنده هذه القدرة فخلية هو يشتغل عندك وهو هيمتص أشعة الشمس ويحولها لفيتامين د وبعدين أنت هتأخذة وهتاكلة وهتحطة في الاكل والمشروم من الخضروات المهمة والمفيدة جدا واحرص على دخول المشروب في الأكل وحطية في الشمس ساعة أو ساعتين وبعدين أنتي حطة في الأكل وبس والسعرات الحرارية 360 سعرة حرارية والدهون المشبعة 2 جم والكربوهيدرات 18 جم والبروتين 48 جم.
مكونات طريقة عمل ستيك الفراخ مع صوص الخضار:
- بصل
- فلفل رومي أصفر
- كويسة
- فص ثوم
- صدر فرخة
- ملح وفلفل أسود
- اوريجانو مجفف
- مرقة دجاج
- طماطم
طريقة التحضير:
أول حاجة هتجيبي بصلة وهتقطعيها شرائح وكمان هتقسمي قرن الفلفل الرومي الأصفر نص وهتأخذي نص هتعملية والنص الثاني هتشلية والنص اللي أنتي هتعملية هتقطعية شرائح وهتجبي كويسة وهتقطعيها مكعبات صغيرة وفص الثوم هتفرمية ناعم بعدين بقي هتحطي طاسة على النار وهتحطي فيها معلقة أي زيت صحي وبعدين هتكوني غسلة صدر الفرخة ومنشفاة علشان لما بيكون صدر الفرخة ناشف ومافيش علية ماء بيتحمر أحسن بعدين هتحطية في الطاسة بعدين هترشي عليه ملح وفلفل أسود وتقلبية الناحية الثانية وبرده ترشي عليه البهرات ولما يتحمر من الناحيتين طلعية
بعدين هترجعي الطاسة ثاني على النار وهتحطي فيها كل الخضار اللي أنتي قطعتية وملح وفلفل أسود وأوريجانو مجفف وتقلبيهم لمدة دقيقة أو دقيقتين وهتكوني ضربة في الخلاط 2 طماطم وهتحطيهم علي الخضار ولو عندك شوربة فراخ أو لحمة يكون أفضل هتحطي منها شوية على الخلطة لو ما فيش حطي مكعب مرقة الدجاج مع شوية ماء وكمان حطي صدر الفرخة وغطيها وسبيها عشر دقائق وبعدين طلعيها وحطيها في طبق التقديم وبالهناء والشفاء.
