طريقة عمل رول أوراك الفراخ بطريقي بطعم ولا أوروع من كدا وتغيير عن الطريقة التقليدية للفراخ أو سلق الفراخ لأن مهما يكن التغيير في الأكل حاجة مطلوبة لأن لما الواحد بيفضل يعمل نفس الأكلة بنفس الطريقة بتتدخل في حالة من الزهق والملل والتغيير مهم حتي ولو كان في الأكل صدقيني هيضفلك روح جديدة وغيري وأبدعي في الأكل وجربي وأختري فيه لأن هو فعلا حاجة بسيطة وسهل جدا وممتعة من وجهت نظري ويلي على الوصفة.
مكونات طريقة عمل رول أوراك:
- أوراك فراخ
- لحمة مفرومة
- جبنة متزيريلا
- ملح وفلفل أسود
- بهرات لحمة
- جوزت الطيب وقرفة
- بصل وثوم
- لبن ودقيق
- زبدة
- كزبرة خضراء
- زعتر وبهرات فراخ
- ثوم وبصل بودر
طريقة التحضير:
أول حاجة هتجيبي أوراك الفراخ وهتخليها من العظم وبعدين هتبليها بملح وفلفل أسود من الناحيتين وهنحطها على جنب، بعد كدا هنحط طاسة فيها معلقة زبدة على النار ونحط فيها اللحمة تتشوح وتغير لونها وبصلة متقطعة صغير ونحطها عليها وقرن فلفل رومي أصفر وأحمر وأخضر من كل واحد حتة صغيرة كدا ونحطهم على بعض وحطيهم على اللحمة اللي على النار ونحط عليها رشة جوزت الطيب وبهارات لحمة وقرفة وشوية كزبرة خضراء وملح وفلفل أسود وفص ثوم مفروم مع جنزبيل ويتشوحوا شوية كلهم مع بعض وبعد كدا هنطفي النار وبعدين هنجيب الوراك المخلية ونحط فيها الحشوة اللي عملنها وهنحط الجبنة المتزيريلا ونلفها كويس ونجيب خيط ونلفها عليها بحيث أنها تتقفل كويس
بعدين هنجيب حلة هنحط فيها الفراخ تتشوح مع بصل وثوم وطماطم وملح وفلفل أسود وبهرات فراخ وثوم وبصل بودر وكركم وزعتر ونحط عليها ماء مغلي ونسيبها لحد لما تستوي وفي حلة ثانية علي النار هنحط فيها معلقتين كبار من الزبدة ولما تسيح نحط عليهم معلقتين كبار من الدقيق لحد لما لونة يتغير لأصفر ويعدين نحط عليها كوب لبن مع التقليب المستمر ونحط رشة جوزت الطيب وحتة صغيرة من مكعب المرقة لحد لما يبقي مش تقيل ولا خفيف قوي يكون قوامة وسط والكمية تكون على قد عدد الوراك اللي أنتي هتعمليها الكمية دي تقدي أثنين أو واحدة وبعدين هنرس الوراك الرول اللي عملنها في صنية ونحط عليها البشمل اللي عملتيه عليه وندخلها الفرن تتحمر وبعدين تتطلع ونحطها في طبق التقديم ونحط عليها الصوص وبالهناء والشفاء.
