طريقة عمل الأرز بالبيض علي الطريقة الصينية طبعا كلنا عرفين أن الأكل الصيني بيكون نص سوا ودي أحسن حاجة فيه لأن الخضار مش بيفقد الفايده اللي فيه لأن كل ما تسوي الأكل كتير كل ما الفيده بتاعته بتروح والفيتامينات بتكون أقل.
مكونات طريقة عمل الأرز بالبيض
- بيض
- بصل
- بصل أخضر
- جزر
- فلفل أخضر
- فلفل أحمر
- أرز
- مشروم
- شطة خضراء
- فص ثوم
- سجق أو هوت دوق
- جبنة شيدر
- مكعب زبدة
- ملح فلفل أسود
- كاتشب
طريقة التحضير
أول حاجة هتجيب كل الخضار، وهنقطعة مكعبات صغيرة من شطة حضراء ومشروم وفلفل أحمر وفلفل أخضر والبصل والبصل الأخضر والجزر وفص الثوم والسجق أو الهوت دوق وكمان ثلاث مكعبات من جبنة الشيدر وبعدين هتحطي طاسة علي النار وبعدين تحطي مكعب من الزبدة وتحتي بعدها السحق أو الهوت دوق وتقلبية شوية بعدين حطي الثوم، وبعدين حطي كل الخضار اللي مقطعاه وبعدين أنتي هتكوني مطيبة الرز؛ والرز يكون أبيض من غير أي أضفات وتحطي علي الخضار والسجق الكمية اللي أنتي عايزها وتقلبي وتحطي الملح والفلفل الأسود ومعلقة كبيرة كاتشب ومعلقة كبيرة صويا صوص وبس
تسيبها يعني من خمس لعشر دقائق وبعدين هتجيبي سلطنية وتحطي فيها الخلطة دي فيها وتغرسي فيها الجبنة الشيدر وتحطيها على جنب وبعدين هتجيبي طاسة ثانية ويستحسن تكون تيفال وبعدين هتجيبي 2 بيضة وتحطي عليه ملح وفلفل أسود وتقلبيهم وبعدين هتصبي الخليط في الطاسة وتفردية على شكل دائرة وتسبية لحد لما يطيب وبعدين هتجيبي طبق التقديم وتقلبي السلطنية اللي فيها الخليط وبعدين تخذي قرس البيض وتحطية علي الخلطة اللي أخذ شكل السلطنية وكمان تخلي قرس البيض يأخذ الشكل وتحطي على الوجة كتشب وبس كدا وبالهناء والشفاء.
