طهي اللحمة

طريقة عمل سلطة باللحمة المفرومة

طريقة عمل السلطة باللحمة المفرومة الوصفة صحية ولذيذة ومتكاملة وفيها عناصر كثير مفيدة يعني ممكن تقدميها كمان لطفلك هتكون مفيدة جدا وصحية ليه دا لو أنتي عايزاه يأكل أكل صحي وفي نفس الوقت يكون متنوع؛ وبالنسبة للسعرات الحرارية قليلة جدا بكل ما تحملة الكلمة من معني كل منها زي ما أنتي عايزه لكن برده متكثريش قوي لأن الأكل الكثير مش مفيد ولا صحي للجسم؛  السعرات الحرارية هي 270 سعرة والدهون المشبعة 4.5جم والكربوهيدرات 7جم والبروتين 26جم دا علشان لو حد متبع الكيتو ويلي بينا على الطريقة.

المكونات

  1. لحمة مفرومة
  2. أفوكادو
  3. طماطم
  4. خص
  5. القشطة
  6. بهرات لحمة
  7. ملح فلفل أسود
  8. جوزة الطيب
  9. قرفة

طريقة التحضير

أول حاجة هتجيبي ربع كيلو لحمة مفرومة وهتحط طاسة على النار فيها رشة زيت زيتون أو أي زيت صحي أنت تفضلية من زيت سمسم أو زيت الأفوكادو أو زيت جوز الهند أي زيت ولما الطاسة تسخن هتروح حاطة فيها اللحمة المفرومة وتحطي ملح وفلفل أسود على حسب الرغبة ورشة قرفة ورشة جوزة الطيب وبهارات اللحمة وتقلبيهم مع بعض، وتسيبيها لغاية لما تستوي في أثناء بقى ما هي ما بتستوي هنعمل الخضار هتجيبي ورقتين خص وهتقطعيهم ومكعبات وطماطم برده هتقطعها مكعبات وربع واحدة أفوكادو وتقطعيها مكعبات وهتحطي معلقة كبيرة قشطة ولما اللحمة المفرومة بقى تستوي هتاخذيها وهتروحي حطاها على الخضار ده وهتقلبيها وهتجيبي طبق التقديم وهتحطي السلطة فيه؛ وعادي ممكن تاكليها كده بس سواء كانت في غداء أو في عشاء أو تحطيها لابنك كوجبة متكاملة حلو جدا وكمان أحسن حاجة في أن هي سهلة وسريعة وما بتأخذش أي وقت خالص في كم دقيقة هتكوني مخلصه الأكل ده لو أنتي سيدة عاملة وجيتي متأخر وما عندكيش وقت أنك تعملي أكل كثير دي هتنجز عليك وقت كثير جدا وبس وبالهناء والشفاء.

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق