عمل الفراخ يالخضروات – الخضروات مهمه جدا للجسم وللبشرة يعني لو أنتي عايزة بشرتك وشعرك يكونوا حلوين كلي خضروات كثير وأشربي كمان عضير الخضروات الأخضر كل يوم الصبح هتلاقي فرق رهيب وملحوظ سواء كان في شعر أو بشرتك أو حتي في صحتك ونشاطك ودا الأهم وحتي كمان لما أنتي تجربي الموضوع وتلاقي عليه نتائج هتحبيه ومش هتستغني عنه وأما بالنسبة للسعرات الحرارية الأ وهي 310 سعرة حرارية والدهون المشبعة 1 جم والكربوهيدرات 27 جم والبروتين 37 جم ويلي بينا على الطريقة.
مكونات طريقة جديدة عمل الفراخ بالخضروات:
- فراخ مفرومة
- بروكلي
- جزر
- ثوم
- عسل نحل
- صويا صوص
- خل أبيض
- ملح وفلفل أسود
- بهرات فراخ
طريقة التحضير:
أول حاجة هتجيبي طاسة هتحطي فيها معلقة كبيرة زيت زيتون وتسبيها لخد لما تسخن ولما تسخن هتحطي الفراخ المفرومة وهتقلبيها لحد لما تغير لونها ولما تغير لونها هتحطي فص الثوم مفروم ناعم وتقلبي وبعدين هتحطي ملح وفلفل أسود وبهرات فراخ وكمان هتكوني مقطعة البروكلي قطع صغيرة والجز هتقطعيه شرائط وهتحطيهم على الفراخ وتقلبيهم
وبعدين هتحطي في بولة صغيرة نص معلقة عسل نحل ومعلقة كبيرة صويا صوص ونص معلقة خل أبيض وتقلبيهم مع بعض وتحطيهم علي الفراخ وتقلبي الفراخ وتغطيها وتوطي عليها النار وتسبيها لحد لما تستوي وبعد ما تستوي هتجيبي طبق التقديم وهتحطيها فيه وبس كده عملتي أحلي طبق فراخ بالخضروات صحي جدا وكمان ممكن تقدمية لأطفالك وأنتي مطمنة أن فيه كل العناصر المفيدة وبالهناء والشفاء.
