طريقة عمل صدور الفراخ بالصويا صوص والفصوليا الخضراء الفيتامينات مهمة جدا في الجسم أساس الجسم مش بيفهم غير الفيتامينات عارف أن الجزر فيه فيتامين أو جسمك عارف أن بأخذ فيتامين أ منه وهكذا لكن مش بيفهم أسامي أكلات أو أنا عايزة أكل مش عارفة أيه دلوقتي دا كلة صنع البشر جسم الأنسان ربنا مش خلقة كدا وسبحان الله وعارف ازاي بيحول الأكل اللي أنت بتاكلة لفيتامينات ومعادن من خلال العناصر اللي أنت حتطها في أكلك
ودايما أحرص على أن العناصر والأكل اللي أنت هدخلة لجسمك يبقي ملم أو فيه أكبر قدر ممكن من الفيتامينات والمعادن، وأما بالنسبة للدهون المشبعة المجودة في الاكلة هي 2 جم والسعرات الحرارية 360 سعرة حرارية والكربوهيدرات 21 جم والبروتين 48 جم ودلوقتي يلي بينا على الطريقة على طول.
مكونات طريقة عمل صدور الفراخ بالصويا صوص:
- صدر فراخ
- فصوليا خضراء
- طماطم
- ملح وفلفل أسود
- صويا صوص
- عسل
طريقة التحضير:
أول حاجة هتجيبي صدر الفرخة وهتغسلية كويس بعدين هتقطعية شرائح بالعرض بعدين هتحطي طاسة على النار فيها معلقة زيت زيتون وهتحطي الفراخ المتقطعة في الطاسة تتحمر وتغير لونها بعدين هتجيبي الفصوليا الخضراء وهتغسليها وهتشيلي بس الحتة اللي فوق واللي تحت الوحشة وتقسميها من النص بعدين هتحطيها على الفراخ في الطاسة
بعدين هتجيبي طمطماية وتقطعيها وتحطيها بردة في الطاسة وتحطي ملح وفلفل أسود وتقلبي وتحطي ملعقة صويا صوص ونص معلقة عسل نحل وتقلبيهم مع الفراخ وتغطيها وتسبيها لحد لما تطيب وبعد ما تطيب هتحطيها في طبق التقديم وبس كده وبالهناء والشفاء.
مقالات ذات صلة:
طريقة عمل الفراخ بالجبنة المتزيريلا
