طريقة عمل رز باللحمة المفرومة الوصفة سهلة جدا ولو أنتي سيدة عاملة هتسحلك حياتك خالص وهتحبيها لأنها بتختصر وقت ومجهود وحتي مكونات وبالنسبة للناس اللي ماشية على نظام غذائي أو صحي أو حتي نظام الكيتو دي مش هتلخبطلك أي حاجة والسعرات الحرارية اللي فيها هي 300 سعرة حرارية والدهون المشبعة 4 جم والكربوهيدرات 15 جم والبروتين 34جم وبس يلي بينا علي الطريقة.
مكونات طريقة عمل رز باللحمة:
- بصل
- فلفل رومي احمر
- لحمة مفرومة
- رز
- ملح وفلفل أسود
- مرقة دجاج
- ثوم وبصل بودر
- بهرات لحمة
- قرفة
طريقة التحضير:
أول حاجة هتجيبي طاسة هتروح حطها على النار مع رشة زيت زيتون أو أي زيت أنتي حباه يكون صحي ومن الزيوت المعروفة أن هي صحية؛ هي زيت جوز الهند وزيت السمسم وزيت الأفوكادو ودي أكثر الزيوت الصحية المعروفة، هتروحي جايبه 400 كيلو لحمة مفرومة هتروحي حطاه وهتقلبيه لغاية لما اللحمة تغير لونها ولما اللحمة تغير لونها هتكوني مقطعة بصلة مكعبات صغيرة وقرن فلفل رومي أحمر برده مكعبات صغيرة وهتروحي حطاهم عليه وهتروحي مقلبة.
وهتجيبي البهارات هي ملح وفلفل أسود وبهارات لحمة ومرقة دجاج وثوم وبصل بودر ورشة قرفة القرفة أنا بحبها مع اللحمة ولو أنتي مش بتحبيها في الأكل عادي ممكن أنك تستغني عنها هتقلبيهم مع بعض وهتسيبيهم لغاية لما تستوي وفي الناحية الثانية هتكوني عاملة الرز؛ الرز هتكون عاملة عادي وبالطريقة العادية ما فيهوش أي أضافات غير ملح بس هتجيبي كميه منه لو أنتي مش عايزة كمية الرز تبقى كثير واللحمة هي اللي كتثر حطي شوية صغيرين الكمية دي أنتي تلعبي فيها برحتك وتروحي حطاها مع اللحمة المفرومة والخضروات وتقلبي شوية كده يعني لمدة دقيقتين أو حاجة وبس هتجيبي طبق التقديم بتاعك وهتروحي صبة الخليط ده فيه وبس بالهناء والشفاء.
