طريقة عمل صدور الفراخ بالصويا صوص والعسل الوصفة صحية جدا ولذيذة ودي بيتقدم جنبها خضار وأنا هعملهولك كمان مع الوصفة ولو أنتي مش عايزة الخضار دا ممكن أنتي تقدميها مع الخضار الي يعجبك الأكل ما فيهوش قعدة ثابتة تمام؛ وبالنسبة لسعرات الحرارية قليلة جدا 390 سعرة وبالنسبة للدهون المشبعة 2.5جم والكربوهيدرات 34جم والبروتين 39جم دا علشان لو أنتي أو أنت بتحسبي السعرات الحرارية اللي في الأكل أو لو أنتي من الأشخاص اللي بيتبعوا الكيتو ويلي بينا على الطريقة.
المكونات
- صدور فراخ
- عسل
- صويا صوص
- خل أبيض
- نشا
- ملح وفلفل أسود
- خيار
- طماطم
- فصين ثوم
- خس أو كابوتشا
- بصل
- تفاح
- فلفل رومي أحمر
- مايونيز
- قشطة
طريقة التحضير
هتجيبي صدر الفرخة وهتغسلية كويس وهتجيبي السكينة وهتقعدي تقطعي كده بالطول وبالعرض بحيث أن أنتي تشكلي مربعات فوق الكتف من دون ما تقطعيها مربعات تمام؛ بعدين هتجيبي نشا وهتروح حطاها مقلباها فيها مقلبة الصدر فيه وهتجيبي طاسة على النار تكون تيفال مع رشة زيت ويفضل ما يكونش زيت زيتون وهتفرمي فصين ثوم وهتحطيهم في الزيت وهتروحي حاطة على طول وراهم الصدر وترشي على الوش ملح وفلفل أسود ولما تتحمر تقلبية على الناحية الثانية وبرده ترشي ملح وفلفل أسود وبعدين
هتجيبي نصف معلقة عسل نحل ومعلقة صويا صوص ونصف معلقة خل أبيض هتحطيهم وهتقلبي الصدر في الصوص ده لغاية لما يطيب خلاص كده طلعية، هنعمل بقى الخضروات اللي جنب الصدر أو السلطة على حسب ما أنتي تسميها هنقطع الخس أو الكابوتشة اللي موجود عندك والطماطم كمان هنقطعها مكعبات والخيار كمان هتقطعية مكعبات ونصف تفاحة وهنقطعها مكعبات شرائح كده صغيرة وكمان هتقطعي البصل شرائح ممكن تحطي نصف بصلاية بس لو البصلة كبيرة قوي وفلفل رومي أحمر نص برده وتقطعيه مكعبات وحطيهم في بولة؛ هتجيب بولهة صغيرة هتحطي فيها قشطة معلقة ومعلقة مايونيز وفص ثوم واحد وخلطيهم مع بعض وحطيهم على الخضار وتقلبي الخضار بالخلطة دي وهتقدميهم جنب صدر الفراخ في طبق التقديم وبس بالهناء والشفاء.
