طريقة عمل محشي الفلفل بالفراخ المحشي معمول بطريقة جديدة ومختلفة تماما عن الطريقة المتعارف عنها سواء كان في مصر أي في أي دلولة تانية الطريقة قلبة على الطرق الغربية أكثر ولكن بطريقة سهلة وبسيطة وأي حد يعرف يعملها ببساطة والطعم جديد ولذيذ وعلى الرغم من أنه محشي ولكن السعرات الحرارية قليلة أحنا هنا بنحرص على كل حاجة وهي 260 سعرة حرارية والكربوهيدرات 7 جم والدهون المشبعة 6 جم والبروتين 34 جم ويلي بينا على الطريقة.
مكونات طريقة عمل محشي الفلفل
- صدر فرخة
- ملح وفلفل أسود
- بهرات ايطالية
- طماطم
- جبنة متزيريلا
- كزبرة خضراء
- ثوم
- قشطة
- فلفل رومي
طريقة التحضير
أول حاجة هتجيبي صدر الفرخة وهتغسلية كويس وهتحطي طاسة على النار وتسبيها لحد لما تسخن وبعدين ما تسخن حطي فيها معلقة زيت زيتون أو أي زيت صحي، وهتحطي صدر الفرخة في الطاسة وهترشي عليها من من فوق ملح وفلفل أسود والبهارات الأيطالية وتقلبيها النحية الثانية وبرده ترشي عليها البهرات ولما تتحمر من النحيتين طلعيها وحطيها على القطاعة وقطعيها مكعبات وبعدين هتجيبي بولة وهتحطيهم في البولة وهتجيبي طمطماية وهتقطعيها مكعبات صغيرة وهتحطيها على الفراخ في البولة
هتحطي شوية جبنة متزيريلا مبشرين وكزبرة خضراء يجي ثلاث عيدان كده قطعيهم وحطيهم وكمان معلقة قشطة وفص ثوم مفروم ورشة ملح وهتقلبيهم مع بعض، وبعدين هتجيبي قرن الفلفل الرومي أي لون سواء كان أحمر أو أصفر أو أخضر اللي أنتي تحبية وهتغسلية كويس بعدين هتقسمية من النص وهتشيلي البزر منه وهتحطية في الصنية اللي أنتي هتحطيها في الفرن وهتحطي في قلبة الخلطة اللي أنتي عملتيها وهتحطي من فوق الجبنة المتزيريلا وهتحطي ماء أو شوربة في الصنية وبعدين هتحطيها في الفرن لمدة نص ساعة أو 35 وبعدين تطلعيها وتحطيها في طبق التقديم وبالهناء والشفاء.
