ايمان .. قومي يالا يا فاطمة
فاطمة .. على فين
ايمان .. احنا بريك هنتغدا في الكافيتريا الخاصة بالشركة
وخرجت بصحبة ايمان وتحدثا مع بعضهما البعض واحبا بعضهما كثيرا
………………………………………….
رحمة .. خلاص بقا يا ادم متزعلش انت لو مكانه أكيد كنت هتعمل كدا
ادم .. ده أحرجني وكلمني بطريقة مش كويسة ترضيها ليا
رحمة .. حقك عليا ياحبيبي كلها سنتين وتتقدملي ونخلص من ده كله
ادم .. مش عايزاني ازعل
رحمة .. مش بحب اشوفك زعلان
ادم بخبث .. خلاص نخرج مع بعض
رحمة .. مش هقدر اعمل كدا وبعدين انا قولتلك مش بحب الجو ده
ادم .. رحمة انتي مش ملاحظة انك مش بتحبي اي حاجة تفتكري احنا هينفع نكمل مع بعض
رحمة .. انت ليه على ايه حاجة تقولي احنا هننفع نكمل مع بعض
ادم .. اصلك معقدة اوووي خليكي فري
رحمة .. هو انا لازم اروح ديسكوهات واقعد مع شلة شباب وبنات فاكس عشان ابقي فري
ادم .. يوووه مش قولتلك معقدة وبتحبي المشاكل انا قايم ماشي
ظلت تنظر له بعد ما تركها وقلبها ينفطر على حبها وعلى ما فعلته بنفسها حقا هي تستحق
ما يحدث لها وتستحق كل اوجاع قلبها احبت رجل يقول لها احبك ولا تحسها بأفعاله
لماذا القلب اعمي عندما اختيار الاشخاص الذين نقع بشباك حبهم..
يفتح الباب ويدخل دون استئاذان عم ميزو الحلاق قافل فونك ليه جدع
علي .. يخرب عقلك انت مجتش الافتتاح هنفخك
يوسف .. انا قولتلك ان ابويا عيان خلي عندك دم
علي .. هو عامل ايه دلوقتي
يوسف .. الحمد لله بخير. ايه اخبار الشركة وتلفونك قافله ليه
علي .. كله تمام فوني جاب شاشة وديته امبارح يتصلح وهجيبه انهاردة
يوسف .. وانت بتكلمني صح
علي .. كله منها
يوسف .. هي مين
علي .. محاسبة هنا خبطت فيا وقعت التلفون وقال بانفعال بس البت بجحة اووووي ياجدع ايه ده
يوسف بضحكة عالية .. لا ده انت تحكيلي بقا
قص علي لصديقه ما حدث معه
يوسف بغمزة .. لا دي البنت جامدة بقا ازاي موقعتش تحت تأثير العيون الحلوة دي
علي يحدث نفسه ما هي كمان لون عيونها كان حلو .. ياعم اتلهي انا في ايه وانت في ايه
مش هتيجي تشتغل معايا بقا ونبقي مع بعض
يوسف .. احنا مع بعض بس شغل ابعدني
علي مستفهما .. على راحتك يا عم بس بجد محتاجك جمبي
يوسف .. قوم نطلع على اي كافيه الساعه 4 كدا بعد ما تخلص شغل
علي .. اشطا يالا بينا
……………………………………………….
مقالات ذات صلة:
