طريقة عمل صدرو الفراخ بالصوص بالأبيض الوصفة سهلة جدا مش بتأخذ وقت وأنا شخصيا بحب الأكلات اللي فيها صوص أوي ولو حد زي كده هتعجبة الأكلة أوي وسريعة ممكن تعمليها كاوجبة غذاء أو وجبة عشاء خفيفة وسريعة والمكونات بسيطة وموجودة في البيت ويلي بينا على الطريقة علطول.
مكونات طريقة عمل صدرو الفراخ:
- صدور الفراخ
- زبدة
- زيت زيتون
- ثوم
- ملح وفلفل أسود
- بصل
- بقدونس
- شوربة فراخ
- ليمون
- كريمة طبخ
- جوزت الطيب
طريقة التحضير:
أول حاجة هتجبي كتاف الفراخ وتخليها من العظم ولو مش عارفة ازاي حتيها مخلية جاهزة وبعدين هتغسليها كويس بملح وخل أبيض علشان تشيلي منها ريحة الظفارةز
وبعدين هتحطيها على القطاعة وهتجبي ورق المناديل وتنشفيها وبعدين هتجبي السكينة وهتقطعيها من فوق على هيئة مربعات وتسيبي الكتف سليم، وبعدين هتحطي طاسة على النار وهتحطي فيها معلقتين زيت زيتون ومعلقة زبدة وتسبيهم لحد لما يسخنوا وبعدين هتحطي صدور الفراخ وترشي عليها من فوق ملح وفلفل أسود، وتسبيها لحد لما تتحمر وبعدين تقلبيها الناحية الثانية وترشي عليها برده ملح وفلفل أسود وتسبيها لحد لما تتحمر.
وبعدين هتجبي طبق وهتطلعي فيه الكتاف وبعدين هتحطي معلقة زبدة ثانية وتسيحيها وبعدين هتحطي فصين ثوم مفرومين ناعم وتقلبيهم لحد 30 ثانية وبعدين هتكوني مقطعة بصلة صغيرة مكعبات صغيرة وتحطيها على الثوم وتقلبيهم شوية لحد لما يتبلوا شوية بعدين هتحطي نص كوباية شوربة فراخ وتحطي كريمة طبخ ونص معلقة صغيرة جوزة الطيب وملح حسب الرغبة وتقلبيهم مع بعض بعدين هتحطي صدور الفراخ وتقلبيهم في الصوص من 5:10 دقائق بعدين هتحطيهم في طبق التقديم وممكن تقدمي معاها سلطة أو شوربة وبس وبالهناء والشفاء.
روابط ذات صلة:
