طريقة عمل رول البطاطس باللحمة المفرومة الوصفة ممكن تعمليها في غداء أو في العشاء فيها كل العناصر وأهم حاجة العناصر صحية من كربوهيدرات وبروتين وخضروات يعني واجبة متكامة في وصفة واحدة الوصفة فيها تفاصيل ولكن هحاول أبسطها وأن شاء الله هتكون سهلة وبسيطة وبس يلي بينا دلوقتي على طول على الوصفة.
مكونات طريقة عمل رول البطاطس باللحمة:
- بطاطس
- بيض
- فلفل أسود وملح
- بقدونس
- جبنة شيدر
- فلفل أخضر وأحمر
- بصلة
- لحمة مفرومة
- طماطم
طريقة التحضير:
أول حاجة هتغسليها كويس وهتبشريها وهتصفيها من الماية بتاعتها وهتحطيها في بولة بعدين هتجبي 2 بيضة وهتحطيهم على البطاطس وهتحطي كمان ملح وفلفل أسود وخمس أو ست عيدان من البقدونس وتقطعيهم قطع صغيرة وتحطيهم وكمان هتكوني بشرة جبنة شيدر وهتحطيهم برده على البطاطس وتقلبيهم كلهم مع بعض بعدين بقى هتجيبي صينية طويلة وهتحطي عليها ورق زبدة الورق اللي هو مش بيلزقش وتحطي البطاطس فيها وهتفرديها في الصينية وهتحطيها في الفرن لمده 20 دقيقة تتحمر وفي أثناء بقى ما هي بتتحمر هتحطي طاسة على النار
وهتحطي فيها معلقة زيت زيتون وهتحطي اللحمة المفرومة وهتقلبيها لغاية لما تغير لونها ولما تغير لونها هتحطي بصلة هتكوني مقطعها مكعبات صغيرة هتحطيها عليها برده وفلفل رومي أحمر وأخضر هتكوني مقطعاهم قطع مكعبات وممكن كمان برده تحطي شطة خضراء حراقة لو أنتي بتحبي الأكل حراق لو ما بتحبوش حراق خلاص أستغني عنه وهتحطي بقى البهارات اللي هي ملح وفلفل أسود وبهارات اللحمة ورشة قرفة وبابريكا وكمان هتكوني ضاربة طماطم في الخلاط وهتحطيها عليه وهتحطي كوباية ماء وهتقلبي كلة مع بعضة وتسيبيها لحد لما اللحمة تستوي وبعد ما تستوي هطفي النار عليها وهتطلعي كمان البطاطس من الفرن وهتفردي فوقها طبقة من اللحمة هتفرديها كده وبعدين هتمسكي بقى البطاطس واللحمة مع بعض وهتلفيهم رول مع بعض وبعد ما تلفيها هتسبيها في الصنية وترشي على البطاطس بقدونس وطماطم وجبنة شيدر وبعدين دخليها ثاني الفرن لمدة عشر دقائق وبس كده وبالهناء والشفاء.
