طريقة عمل السمك السنجاري أنا أول ما أبتديت أعمل السمك السنجاري عملتة بالطريقة دي وبعدين قلت خلاص هي دي هتبقى الوصفه بتاعتي المعتمدة لأني حبيتها جدا لأن طعمها فعلا حلو جدا انا بحبها وحبيت السمك السنجاري من وراء الطريقة دي أو من وراء التتبيلة دي فعلا؛ فعلا طعمها حلو جدا وأن شاء الله هتعجبكم وأنتم كمان هتحبوها يلا بنا على الطريقة على طول.
مكونات طريقة عمل السمك السنجاري
- سمك بوري
- طماطم
- بصل
- ثوم
- بهرات سمك
- ملح فلفل أسود
- كمون
- ليمون
- خل أبيض
- كزبرة خضراء
- كزبرة ناشفة
- فلفل الوان
- فلفل حار
طريقة التحضير
هنبتدي الأول بالسمك البوري طبعا أنتي هتبقى جايباه وفاتحة من الظهر يا أما وأنتي بتجيبيه من عند بياع السمك تقوليله أفتحه من الظهر وهو هيفتحه قوليله لأن عايزة أعملة سنجاري وهو عارف هيعمله ازاي بعد كده هتجيبية وهتغسليهم كويس جدا بملح وخل هتفتحيها بقى وهترشي فيها ملح وكزبرة ناشفة ومعلقة ثوم مفروم بزيت لكل سمكة كده وكمون في بطن السمكة وهتسبيهم على جنب لغاية لما نعملها التتبيلة أو الخلطة اللي هتتحط جوه السمكة
هتجيبي بقى بولة هتحطي فيها بصلة تكون متقطعة شرائح وفلفل الوان ومعلقة ثوم كبيرة بزيت وتحطي ملح وفلفل أسود على حسب الرغبة كمون وبهارات السمك وكزبرة ناشفة وفلفل أخضر ما بتحبيش الحراق خلاص أستغنى عنه بعد كده هنقلب الخلطة دي وبعدين فطاسة على النار هتحطي فيها زيت وتحطي فيها معلقة صغيرة ثوم، لغاية لما يتشوح ثانيتين وبعدين تروح حاطة عليهم التتبيلة دي برضة على النار خمس دقائق كده وبعد كده تحطيلها معلقة صلصلة طماطم أستني دقيقة وبعد كده تطفئ النار عليها
هتجيبي ورق ألومنيوم هتروح حطي في سمكة البوري وتقفلية من الجنبين بحيث أن هو يأخذ شكل السمكة بعد ما يأخذ شكل السمكة هتجيبي بقى التتبيلة اللي أنتي عملتيها من الخضار وبعد كده هتريح حطها في بطن السمة، وتقطعي شرائح ليمون وترحي حطاهم على الوش وكمان رشة فلفل أحمر ورشة وزعتر كده من على الوش ورشة زيت وبعدين تحطيهم في الصينية وتحطي نصف كوبايه ماء على شان ما تتحرقش منك أو ولما الماء ينشف أبقي زودي ثاني بس برده شوية صغيرين وبعدين تحطيها في الفرن لمدة نص ساعة لحد لما تطيب بعد كده تطلعيها وبالهناء والشفاء.
