طريقة عمل شوربة باللحمة المفرومة الوصفة سهلة وسريعة وصحيه جدا كمان ومشبعة يعني أنتي ممكن تعمليها لوحدها وتاكليها بس كده لو أنتي بتفضلي تأكلي أكل صحي أو لو بتعملي دايت هتناسبك جدا أو ممكن عادي تعمليها جنب الأكل بتاعك سواء كان في الغداء أو في العشاء اكله على حسب أنتي بتفضلي تعملي الشوربة أمتا، وبالنسبة للسعرات الحرارية هي 260 سعرة والدهون المشبعة 3جم والكربوهيدرات 15 جم والبروتين 27 جم دا علشان لو حد بيتبع نظام الكيتو ويلي بينا على الطريقة.
المكونات
- لحمة مفرومة
- كابوتشا اللي هو الكرنب الضغير الأخضر
- بصل
- جزر
- شطة خضراء
- بابريكا
- ملح وفلفل أسود
- مكعب مرقة
- كزبرة خضراء
طريقة التحضير
أول حاجة هتحطي حلة على النار ومعها رشة من الزيت زيت زيتون دا لو أنتي بتفضلي أنك تعملي به الأكل بس ما أفضلش أن زيت الزيتون تعملي به الأكل على طول عشان في أحتمالية كبيرة أن هو يتحرق فاستخدم زيت ثاني يكون زيت سمسم أو زيت جوز الهند أو زيت الأفوكادو، وهتجيبي ربع كيلو من اللحمة المفرومة هتحطيها في الحلة أو على حسب بقى الكمية اللي أنتي عايزة تعمليها وعلى حسب عدد الأفراد هتحطيها تتشوح
بعدين هتقطع الكابوتشيا ومتأخذيش كمية كبيرة بس كم ورقة كده وهتقطعيهم وهتأخذ نص بصلاية كمان تقطعيها مكعبات صغيرة وجزر برده هتقطعيها مكعبات برده صغيرة وقرن شطة خضراء لو أنتي ما بتحبيش الشطة عادي ممكن أنك تستغني عنه بعدين هتحطي ملح وفلفل أسود وبابريكا وبهارات لحمة ورشة قرفة ورشة جوزة الطيب لو تحبي، وتجيبي كوباية يكون نصفها ماء مغلي وهتحطي فيها مكعب المرقة وتقلبيه لحد لما يذوب وهتحطيه على الخضار واللحمة المفرومة وهتكوني كمان ضربة 2 طماطم في الخلاط هتحطيهم برده وهضيفي نصف كوبايه من الماء وتقلبي كل الوصفة الجميلة دي اللي أنتي عملتيها وتروحي بقى مزوده شوية ماء بحيث أن هي ما تبقاش قوامها صايص قوي ولا قوامها مسك قوي يكون وسط بحيث ان الشوربة يكون قوامها متماسك شوية وتغطيها وتسبيها لحد لما تطيب ولما الشوربة تقرب تستوي حطي عليها ستة عيدان من الكزبرة الخضراء ولما تستوي حطيها في طبق التقديم جنب الأكل للعيلة أو أصدقاء أنتي عزماهم أو لكي حاجة خفيفة وصحية وبس بالهناء والشفاء.
