طريقة عمل صدور الفراخ بتتبيلة الذرة ما هي بقا أهم الأكلات اللي موجود فيها فيتامين د أو أي هي المصادر واحدة من أهم المصادر ودايما نشكر ونحمد ربنا على وجوده في حياتنا الأ وهي الشمس الشمس واحدة من أهم المصادر لفيتامين د دايما أحرص على أنك تطلع في الشمس طيب ما هي أهم الأوقات اللي نطلع فيها في الشمس الصبح من الساعة 7 الصبح لحد الساعة 10 الصبح وأخر اليوم من الساعة 3 لحد الساعة 5 المغرب من غير واقي شمس ودا هنقولة ليه في مقال ثاني نص ساعة كل يوم كافية جدا تمام طيب فين بقا في الأكل موجود في زيت كبد الحوت والأسماك الدهنية والبيض والألبان ما عدا طبعا اللبن البقري ولا يستحسن شرب اللبن كل يوم لأنه بيعمل التهبات في الجسم ولكن موجود بنسبة قليلة في الأكل والأفضل ليك أنك تتعرض لشمس أو تأجذه كمكمل غذائي والسعرات الحرارية 410 سعرة حرارية والدهون المشبعة 3.5 جم والكربوهيدرات 17 جم والبروتين 48 جم.
مكونات طريقة عمل صدور الفراخ بتتبيلة الذرة:
- ريحان
- كزبرة خضراء
- جبنة البارميزان
- ليمون
- زيت زيتون
- ثوم بودر
- ملح وفلفل أسود
- ذرة
- فراخ
طريقة التحضير:
أول حاجة هتجيبي ثلاث ورقات ريحان وهتقطعيهم قطع صغيرة خالص وكمان هتجيبي ثلاث عيدان كزبرة خضراء وهتأخذي منهم الورق بس وهتقطعيهم ناعم برده بعدين هتحطيهم في بولة أو سلطنية صغيرة وهتحطي عليهم معلقة كبيرة جبنة البارميزان ونص ليمونة ومعلقة زيت زيتون وربع معلقة صغيرة ثوم بودر وملح وفلفل أسود وذرة وتقلبيهم مع بعض وتحطيهم على جنب، بعد كده هتجيبي صدر الفرخة هتغسلية كويس وهتحطي طاسة على النار مع رشة زيت زيتون او أي زيت صحي يكون مش بيتحرق وبعدين تحطي صدر الفرخة وترشي عليه من فوق ملح وفلفل أسود وثوم بودر وتقلبيه الناحية الثانية وكمان ترشي عليه البهرات وتسبيه لحد لما يطيب ويتحمر بعد كده هتطلعية وهتحطية في طبق التقديم وهتحطي عليه تتبيلة الذرة اللي أنتي عملتيها الحلوة دي وبس كده وبالهناء والشفاء.
مقالات ذات صلة:
