طريقة عمل الفراخ بالثوم والعسل العنوان غريب بس جربوا الطريقة وقلولي أيه رأيكم هيا هتكون حلوه للناس اللي بتحب جمع في الأكل بين الحادق والحلوي زي الكوريين مشهورين دايما بالأكل الحلو والحار كمان مش مالح بس مين قبل كده جرب الأكل الكوري ودلوقتي يلي بينا على الطريقة.
مكونات طريقة عمل الفراخ بالثوم والعسل:
- صدور فراخ
- ملح وفلفل أسود
- زبدة بلدي
- ثوم
- بصل أخضر
- صويا صوص
- خل أبيض
- عسل
طريقة التحضير:
أول حاجة هتجيبي صدور الفراخ هتخليها من العظم وهتغسليها كويس بملح وخل عشان تشيل الظفارة منها ولو مش هتعرفي تخريها هاتيها مخلية جاهزة من عند المحل اللي انت بتشتري منه الفراخ، هتجيب القطاعة هتروحي حطة صدر الفرخة على القطاعة.
وهتجيب السكينه وهتقطعيها من فوق خطوط بالطول والعرض على هيئة مكعبات من فوق على بس من غير ما تقطع الكتف مكعبات بعدين هتجيبي ملح وفلفل أسود وهترشي عليه من فوق بعدين هتجيبي طاسة حتحطيها على النار وتسيبيها لحد لما تسخن بعدين هتجيب مكعب زبدة وتحطية وتسيبية لغاية لما يسيح بعد لما يسيح هتروحي حاطة صدر الفرخة وتسيبيها لحد لما تتحمر.
ولما تتحمر هتقلبيها الناحية الثانية وبرده هتسبيها لحد لما تتحمر من الناحية الثانية بعدين هتجيبي ثلاث فصوص ثوم هتفرمهم أو هتقطعيهم وبصل أخضر وهتقطعية قطع صغيرة وتحطية على جنب ولكن هتأخذي الثلاث فصوص ثوم وتروح حطاهم هتزيحي الكتف على جنب وتروحي حاطهم في الجنب الفاضي وتسبيهم لحد لما يتشوح كده شوية.
هتروحي بعد كده بقا دمجاهم مع الزبدة والكتف وبعدين هتجيبي معلقة صويا صوص وتروحي حطاها ونص معلقة خل أبيض وتحطيها بعدين هتقلبيهم برده شوية لمدة دقيقتين كده أو حاجة وبعدين هتجيبي معلقتين عسل نحل وهتروح حطاهم وهتفضلي بقى تقلبي صدر الفرخة في الصوص ده كده لغاية لما تعرفي ان الفراخ طابت وبعدين هترشي على الوجة البصل الأخضر وهتجيبي طبق التقديم وهتطلعي فيه صدر الفرخة وتحطي شوية من الصوص على الوش وكمان شوية من البصل الأخضر وبس وبالهناء والشفاء.
