طريقة عمل ستيك سمك التونة بالخضروات وجبة متكاملة من كله فيها البروتين والخضروات يعني وجبة ممتازة ومشبعة سواء كانت للأشخاص اللي بتعمل دايت أو كانت ماشية علي نظام الكيتو مش هتبوظ أي حاجة وأكلة مفيدة جدا للأطفال وفيها فيتامينات ومعادن يعني ممتازة للكل؛ أما بالنسبة للسعرات الحرارية هي 350سعرة حرارية والدهون المشبعة 3 جم والكربوهيدرات 9 جم والبروتين 47 جم ودلوقتي يلي بينا على الطريقة.
المكونات
- زعتر مجفف
- روزماري مجفف
- أوريجانو مجفف
- بصل
- فص ثوم
- طماطم
- سبانج
- ملح وفلفل أسود
- ليمون
- مشروم
- ستيك سمك التونة
طريقة عمل ستيك سمك
أول حاجة هتجيبي بصلة هتقتعيها شرائح وهتقطعي المشروم كمان شرائح والسبانخ والفص الثوم هتفرميه، وهتجيبي بقى طاسة هتحطيها على النار مع رشة زيت زيتون هتحطي فيها البصل اللي تم تقطيعة شرائح وفص الثوم المفروم والمشروم اللي متقطع والسبانخ.
تحطي كمان ملح وفلفل أسود وروزماري مجفف وزعتر مجفف وأوريجانو مجفف وهتقلبيهم مع بعض وهتغطيهم وتسيبيهم لغاية لما يقربوا يطيبوا
هتكوني مقطعة طماطماية شرائح وهتحطيها عليهم وهتغطيها وتسيبيها من دقيقة إلى دقيقتين كده بعد كده هتشيليها من على النار.
هتجيبي طبق التقديم وهتحطي الخضار المحضر فيه، وبعدين هتجيبي الطاسة ثاني على النار وهتحط فيها برده رشة زيت زيتون وهتروحي جايبة قطعة ستيك سمك التونة وهتحطيها وهترشي على وشها ملح وفلفل أسود وروزماري وتسيبيها لغاية لما تتحمر وتقلبيها الناحية الثانية وترشي برده فلفل أسود وملح وروزماري وتسيبيها وبعد ما تستوي هتأخذيها وتروح حطاها على الخضروات اللي في طبق التقديم وبس كده بالهناء والشفاء.
