طهي الفراخطهي وطبخ

طريقة جديدة لعمل الفراخ بالخضروات والبروكلي

الفراخ بالخضروات والبروكلي الخضروات مهمه جدا للجسم وللبشرة يعني لو أنتي عايزة بشرتك وشعرك يكونوا حلوين كلي خضروات كثير وأشربي كمان عضير الخضروات الأخضر كل يوم الصبح هتلاقي فرق رهيب وبذات عصير الكرفس أو البقدونس مفيدين جدا وهتلاقي فرق ملحوظ سواء كان في شعر أو بشرتك أو حتي في صحتك ونشاطك

ودا الأهم وحتي كمان لما أنتي تجربي الموضوع وتلاقي عليه نتائج هتحبيه ومش هتستغني عنه وأما بالنسبة للسعرات الحرارية الأ وهي 290سعرة حرارية والدهون المشبعة 1 جم والكربوهيدرات 19 جم والبروتين 39جم ويلي بينا علي الطريقة.

مكونات الفراخ بالخضروات والبروكلي:

  1. فراخ
  2. ملح وفلفل أسود
  3. بصل
  4. ثوم
  5. فلفل رومي أحمر وأصفر
  6. مشروم
  7. مكعب مرقة
  8. طماطم
  9. بركلي
  10. السبع بهرات
  11. بهرات فراخ

طريقة التحضير:

أول حاجة هتجيبي حلة وهتحطي فيها معلقة زيت زيتون أو أي زيت صحي أنتي بتفضلية وهتجيبي الفراخ هتغسلسها كويس وهتقطعيها مكعبات صغيرة ولما الحلة تسخن هتحطيها وتحطي عليها ملح وفلفل أسود ولما تتحمر هتجيبي طبق وهتشليها فيه وهتحطي بصلة متقطعة مكعبات صغيرة وتشوحيها لحد لما يتعير لونها ولما يتغير لونها هتحطي فص ثوم مفروم ناعم وفلفل رومي الأصفر والأحمر ويكونوا متقطعين مكعبات صغيرة ومشروم برده يكون متقطع مكعبات صغيرة

وتقلبيهم شوية كده مع بعض، وتكوني غالية ماء وتحطي فية مكعب مرقة الدجاج وتذوبة وتروحي حطة الماء دا على الحضروات أو لو عندك شوربة فراخ تكون أفضل وممكن تحطيها لكن لو مش عندك خلاص، وتجيبي البروكلي تغسلية وتقطعية قطع صغيرة وتروحي حطة مع الخضار وتضربي طماطم في الخلاط وكمان تحطيهم عليها وتحطي مكعبات الفراخ وتحطي ملح وفلفل أسود والسبع بهرات وبهرات الفراخ وتغطيها وتسبيها لحد لما كل المكونات تطيب ويكون فيها صوص بس الصوص يكون ثقيل شوية وبس كده حاتي سلطنية التقديم وحطيها فيه وبالهناء والشفاء.

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق