طريقة عمل الفراخ بالجبنة المتزيريلا السكر ثم السكر يا جماعة السكر مضر جدا وياريت لو نعمل على اننا نقطعه من حياتنا خالص هتقولوا طيب في ناس أساسا بتأخذ كمصدر لطاقة وحرقها أمال أنا هحرق طاقة منين والكلام الغريب ده ازاي تأخذ حاجة ضارة وتقول أنا عايز أحولها كطاقة ليا وفي معضم الحلات بتكون حاسس بخمول وثقل في الجسم وكسل في الطاقة.
طيب نعمل أيه تحاول تأخذ الطاقة من الدهون، الدهون الصحية تحول جسمك من أنه بيأخذ السكر عشان يحوله لطاقة ويبقى هو ده مصدر الطاقة تحاول أنه تأخذ الدهون هي اللي تكون مصدر طاقة ليك وفي المقال الجاي هكلمكم عن السكر بيعمل أيه في الجسم أو أيه هي أضرار السكر دي معلومة كده بسيطة والسعرات الحرارية هي 350 سعرة حرارية والكربوهيدرات 15 جم والبروتين 43 جم والدهون المشبعة 4.5 جم.
مكونات طريقة عمل الفراخ بالجبنة:
- جزر
- فص ثوم
- فراخ
- بصل
- فلفل رومي أصفر
- السبع بهرات
- ملح
- فلفل أسود
- كزبرة خضراء
- جبنة متزيريلا
طريقة التحضير:
أول حاجة هتجيبي 1 جزرة وهتغسليها وهتقطعيها مكعبات صغيرة متوسطة كده مش صغيرة قوي وبعدين هتحطي طاسة على النار وتحطي فيها الجزر المتقطع وتقلبيهم شوية بعدين هتحطي شوية ماء صغيرين علشان الجزر يطيب وتغطيهم وتسبيهم لحد لما يطيبوا ثم هتحطي فص ثوم مفروم وتقلبيه مع الجزر.
ثم هتحطي الفراخ المفرومة وتقلبيهم مع الجزر لحد لما يغيروا لونهم بعدين هتحطي فلفل رومي أصفر متقطع مكعبات وبصلة كمان متقطعة مكعبات وتقلبيهم مع الفراخ ثم هنحط بقي البهرات وهي ملح وفلفل أسود والسبع بهرات وتقلبيهم وتوطي النار شوية وتسبيهم لحد لما يستوا ولما يقربوا يستوا هتكوني مقطعة كزبرة خضراء وهتحطيهم عليها وكمان جبنة متزيريلا مبشورة وتقلبيهم شوية يعني لمدة دقيقة كدا ثم هتجيبي طبق التقديم وهتحطيهم فيها وبس كده وبالهناء والشفاء.
