طريقة عمل البامية بالفراخ البامية بالفراخ دي بقي بالزات ليها معزه خاصة كدا في قلبي ومن أقرب الأكلات المحببة لقلبي لأن هي كانت أول أكلة أعملها وتطلع حلوه، وكمان كنا وقتها في رمضان يعني لو مكنتش طلعت حلوه كان ممكن نكمل صيام لحد الفجر بس أنا كنت كل ما أحط مكون فيها؛ أدعي وأقول يارب تطلع حلوة وفعلا وقتها طلعت حلوة جدا ومن وقتها ما بقتش بعمل البامية بأي طريقة ثانية ومن هنا بداء الطريق في تعلم عمايل الأكل يلي بينا على الطريقة.
مكونات طريقة عمل البامية بالفراخ:
- وراق فراخ
- بامية
- طماطم
- 2مكعب مرقة
- ملح وفلفل أسود
- كمون
- صلصة
- شطة خضراء
- بصل
- ثوم
- كزبرة خضراء
- بهرات فراخ
- ثوم وبصل بودر
- قرفة
طريقة التحضير:
أول حاجة هتبشري بصلتين أو ثلاثة متوسطين الحجم وهتجيبي وراق الفراخ هتشيلي منهم الجلد وتقطعي كل ورق ثلاث قطع أو قطعتين على حسب ما أنتي تحبي وكمان الوراق على حسب عدد الأفراد اللي عندك؛ وبعدين تحطي حلة علي النار معاها مكعب زبدة وبعدين تحطي البصل المبشور وتلقبي وتحطي كمان الثوم المفروم ناعم وتقلبي وتحطي كمان، مكعب مرقة وفلفل أسود وكمون وثوم وبصل بودر وقرفة وبهرات فراخ وبعدين تحطي الفراخ لحد لما تغير لونها وبعدين في طاسة ثانية علي النار تحطي الزيت والثوم يغير لونة وتروحي حطة البامية وكمان تكوني مقطعة طمطماية وقرن شطة خضراء وكزبرة خضراء وتروحي حطاهم عليها وتسبيها دقيقتين، وبعدين تأخدي البامية وتروحي حطاها علي الفراخ وتحطي معلقة صلصة وكمان تحطي طماطم مضروبة في الخلاط وتقلبي وبعدين تغطي الحلة وتسبيها لحد لما تغلي 10 دقايق وبعدين تحطيها في الطاحن الفخار وتحطيها في الفرن لحد لما تطيب وبس وبالهناء والشفاء.
