رواياترومانسيات

الفصل الثالث: من رواية غموض فتاة

فاطمة .. ماما يا ماما

سمية .. نعم يا حبيبتي

فاطمة .. هو بابا في الشغل صح

سمية .. أها من بدري بس انتي اللى بتصحي متأخر روحي خدي شاور

وأنا حضرتلك الفطار وخارجة الشغل.

فاطمة تمط شفتيها بملل … مووووشي

أكرم .. اتفضل يا أستاذ أحمد دا ملف الحسابات كلها بتاعت الشهر ده

أحمد .. شكراً يا أكرم ممكن تحطه على المكتب

أكرم .. كنت عايز حضرتك في موضوع لو مش هعطلك

أحمد بابتسامة .. تعطلني إيه بس يا أكرم أنت عارف إني بحبك في الله اتفضل أومرني

أكرم .. الأمر لله وحده وربنا يعلم حبك في قلبي أحببك الذي أحببتني فيه

أحمد .. اللهم أمين

أكرم .. كنت حضرتك قولتلي من فترة إنك جهزت الفرع التاني من الشركة

أحمد .. فعلاً حصل والحمد لله جهز والمبنى جاهز بأعلى التقنيات فاضل بس حاجات

بسيطة كدا بعملها والعاملين بالشركة موجودين الحمد لله كله جهز

أكرم .. الحمد لله إن شاء الله تكون فاتحة خير . أنا بنتي خريجة تجارة إنجليزي ولو في

مكان متاح في الفرع الجديد ممكن تبقى معانا

أحمد .. حلو أوي هكلم ابني النهاردة إن شاء الله وهبلغك بميعاد الافتتاح واعتبرها

اشتغلت واهي تحضر الحفلة

أكرم .. مش عارف أشكرك ازاي بجد أنا هبقى مطمن عليها جداً وهي معانا

أحمد .. ربنا يطمنك عليها ويفرح قلبك بيها يارب

أكرم .. يارب آمين وتفرح بعلي وهو عريس

أحمد بتنهيده .. يارب نفسي أفرح بيه، كل ما أقوله مش ناوي بقى يقولي لما أحقق

ذاتي وأحس إني أقدر فعلاً أكون قد المسؤولية وهو متخرج بقاله سنتين

أكرم .. اللهم بارك ونعم الرجولة ابنك عاقل متقلقش عليه

أحمد .. ربنا ييسر أحواله

أكرم .. آمين يارب

في جهة أخرى ………………..

إيمان .. مش قادرة هعيط والله

حسين .. في إيه يا بنتي مالك

إيمان وهي ترفع حاجبها وتلوي شفتيها .. بنتك مين يا سكر ده أنا لو كنت اتجوزت

من بدري كان زماني معايا قدك

حسين بضحكة رنانة .. طيب مالك يا مامي

ايمان .. هموت يا حسين بقالي يومين بحفظ في آيتين مش عارفة أحفظهم

مش عارفه في إيه

حسين .. طيب انتي في حاجه شغلاكي بتفكري في حاجة

إيمان .. لا عادي

حسين .. طيب في إيه انتي مش بتسمعي أغاني ولا حتى بتتفرجي على مسلسلات

عشان متعرفيش تحفظي

إيمان .. أيوا فعلا بس ايه علاقة إني مش عارفه أحفظ بالأغاني والأفلام والكلام ده.

حسين وهو يعتدل في جلسته ليكون أمامها …….

تعرف على حقيقة حسين وإيمان في الفصل الرابع وماذا قال لها …………

مقالات ذات صلة:

الفصل الأول: من رواية غموض فتاة

الفصل الثاني من رواية غموض فتاة

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق