طريقة عمل أحلي مسقعة باللحمة المفرومة دايما بنكون متعودين أننا نعمل المسقعة بالطريقة التقليدية بتاعت ماما وجدتي وجدت جدتي زهقت وأنا من النوع اللي دايما بيحب التجديد والتغيير مش بحب أفضل علي طريقة واحدة علطول برده التجديد والتغيير حلو فا المهم الهيمت بهذه الطريقة وخاصة أني كنت بفكر ازاي برده أخليها تكون بطريقة صحية ومفيد قدر المستطاع وبرده أكل مسقعة فا طلعت معايا الوصفة دي ندخل بقا في الوصفة على طول.
المكونات
1_نص كيلو لحمة مفرومة
2_ بزنجان كبار
3_ بطاطس علي حسب البطاطس اللي عندك
4_ فلفل أخضر دا لو هو بلدي لو رومي يبقي واحد كفاية
5_ شطة خضرة علي حسب الرغبة
6_بصل
7_ ثوم
8_ طماطم
9_ ملح وفلفل أسود
10_جوزت الطيب وبهرات فراخ
طريقة التحضير
أول حاجة هنجيب صينية ألمونيوم هنحطها ونحط فيها الشطه الخضراء والفلفل الأخضر والبصل والثوم والطماطم ونشويهم على نار هادئة لحد لما يطيبو خالص وبعد كده نحطهم في الخلاط ونضرب الخلطة دي كلها مع بعضها تمام وبعدين هنجيب بقى الصينية اللي أحنا هنعمل فيها هنحط فيها زبده تسخن بعد كده هنروح حاطين عليها اللحمه المفرومة لحد لما يتغير لونها وبعد كده هنحط عليها بصلايه صغيرة نخرطها خرط صغنطوطة خالص
بعدين نجيب الملح على حسب الرغبة وفلفل أسود ورشة جوزة الطيب ونصف معلقة صغيرة بهارات لحمة ومكعب مرقة نقلبهم ونسيبها من 10 ل 15 دقيقة كده على النار بعد كده بقى هنجيب البطاطس والباذنجان نغسلهم ونقطعهم شرائح دوائر كده هتكون اللحمه طابت هناخذ نصفها نحطه على جنب والنصف الثاني نفردة في الصينية ونرص عليه البطاطس والباذنجان اللي أحنا مخرطينهم دوائر بعد كده نجيب النصف الثاني اللي أحنا سيبناه من اللحمه نرشه علي وش الصنية من فوق وبعد كده نجيب الطماطم ونروح حاطينها عليه وندخلها الفرن ونغطيها بورق الألمونيوم لحد لما تطيب وبالهناء والشفاء.
